PSJ-nin və Fransa millisinin sabiq futbolçusu Nikolas Anelka hücumçu Kilian Mbappe haqda danışıb.

Rekord.az "The Athletic"ə istinadən xəbər verir ki, o deyib ki, Mbappe ən yaxşı oyunçu olmaq istəyirsə, PSJ-dən ayrılmalıdır: "Paris klubunun düşərgəsində nə etsə də, kimsə həmişə onun Fransada oynadığını deyəcək. Ən yaxşı liqalar İngiltərə və İspaniyadadır. Ən yaxşı çempionatlarda ən yaxşı futbolçularla rəqabət aparmalıdır.

Mbappe "Qızıl top"u qazanmaq, Kriştiano Ronaldo və Lionel Messinin uğurunu təkrarlamaq üçün bu qərarı verməlidir. Fransa Liqası  asan turnir deyil, amma ən güclü liqanın Premyer Liqa olduğunu düşünürəm. Mbappe ən yaxşı olmaq istəyirsə, PSJ-də etdiklərini, "Çelsi", "Mançester Yunayted", "Arsenal", "Mançester Siti" və ya "Liverpul"da da təkrarlamalıdır".