Futbol üzrə Kipr çempionatında 7-ci turun oyunları keçirilib.

Rekord.az xəbər verir ki, Avropa Liqasında “Qarabağ”la eyni qrupda yer alan APOEL də növbəti matçına çıxıb.

Sözügedən komanda səfərdə “Nea Salamis”lə qarşılaşıb. “Qarabağ”ın rəqibi bu oyundan qələbə ilə ayrılıb – 3:0. Qolları Merkis (66), Matiç (70) və Vidiqal (74) rəqib qapısından keçirib.

APOEL bu qələbədən sonra 12 xalla 12 kollektiv arasında 2-ci pillədə qərarlaşıb. Amma bu komandanın üç oyunu da təxirə salınıb.

“Qarabağ” APOEL-ə qarşı ilk oyunu oktyabrın 24-də Bakıda keçirib və 2:2 hesablı heç-heçəyə razılaşıb. Bu komandalar arasındakı ikinci görüş isə noyabrın 7-də Kiprdə baş tutacaq.