"Arsenal" "Bolonya"nın müdafiəçisi Rikkardo Kalafiorini transfer edib.

Rekord.az xəbər verir ki, bu barədə London təmsilçisinin saytı məlumat yayıb.

22 yaşlı oyunçu ilə müqavilənin şərtləri açıqlanmayıb. İtaliyalı futbolçu 33 nömrəli forma geyinəcək.

Kalafiori 2023-cü ilin avqustundan "Bolonya"da çıxış edirdi. 2023/24 mövsümündə müdafiəçi komandanın heyətində bütün yarışlarda 33 matçda 2 qol vurub və 5 qolun ötürməsini verib.