“Arsenal”ın baş məşqçisi Mikel Arteta “Mançester Yunayted”in sabiq futbolçusu Roy Kinə cavab verib.

Rekord.az xəbıər verir ki, MY ilə oyundan sonra keçirilən mətbuat konfransında “Arsenal”ın futbolçusu Pyer-Emerik Obameyanq Artetnı adı ilə çağırmışdı.

Kin belə müraciəti baş məşqçiyə qarşı hörmətsizlik kimi dəyərləndirib. Ancaq Arteta onun bu yanaşması ilə razılaşmır:

“Royun dediklərindən xəbərdaram. Ancaq mən futbolçularıma demişəm ki, onlar üçün necə rahatdırsa, elə də davransınlar. Onlardan bəziləri ilə oyunçu kimi paltardəyişmə otağında olmuşam.

Kimsə məşq zamanı mən boss və ya məşqçi deyə bilər. Fransız futbolçular mənə “məşqçi” deyə müraciət edirlər. ümumiyyətlə, bu yöndə heç bir problem hiss etmirəm.

Mən bilirəm Kin nəyi nəzərdə tutur. Amma mən futbolçulara yaxın olmaq istəyirəm. Onların bəzisi ilə birgə oynamışam. Ona görə də belə müraciəti hörmətsizlik hesab etmirəm”.