Azərbaycan boksçusu Elbrus Kərimli Rumıniyanın Ployeşti şəhərində keçirilən Avropa birinciliyində növbəti qələbəsini qazanıb.

Rekord.az xəbər verir ki, 54 kq çəkidə mübarizə aparan idmançı 1/8 finalda şotlandiyalı Yakub Naismiti məğlub edib.

Yığma üzvü 3:0 (28:28, 30:26, 30:26, 28:28, 30:26) hesabı ilə qalib gəlib. O, 1/4 finalda Mirboran Yıldırımla (Türkiyə) qüvvəsini sınayacaq. Görüş iyulun 27-də olacaq.

32 ölkədən 378 (260 oğlan, 118 qız) boksçunun qatıldığı Avropa birinciliyinin beşinci günündə Azərbaycan millisinin 3 üzvü rinqə çıxacaq.