"Sumqayıt" yeni transferi, Özbəkistan millisinin futbolçusu  Cəsurbek Cəloliddinov Rekord.az-a müsahibə verib: 

- "Sabah"la oyunda "Sumqayıt"ın heyətində debüt elədin. Öncə təəssüratlarını öyrənək.

- Təəssüratım çox yaxşıdı. Çempionatın ən güclü komandalarından birini məğlub etdik və çox vacib 3 xal qazandıq.

- Meydançada az vaxt keçirsən də, Azərbaycan çempionatının səviyyəsi haqda gözləntin özünü doğurultdu?

- Bəli, təbii ki. Azərbaycan çempionatının səviyyəsi gözlədiyimdən də yüksəkdi.

- Növbəti oyunlarda daha çox oynamaq üçün nə etməlisən?

- Bunun üçün öz üzərimdə daha çox işləməliyəm.

- Azərbaycana gəlməkdə əsas hədəfin nədir? Asiya konfederasiyasına daxil olan ölkədən UEFA zonasına keçid gələcəkdə Avropa klublarına keçidinə yol aça bilər?

- Təbii ki, ilk növbədə futbolçu kimi böyümək lazımdır. Bundan sonra Avopa klublarına da yolun açıla bilər. Çünki avrokuboklarda oynamaqla bu imkanı əldə etmək olar.