Fransanın paytaxtı Parisdə təşkil olunan Yay Olimpiya Oyunlarında Azərbaycanın sərbəst güləşçisi Giorgi Meşvildişvilinin növbəti rəqibi müəyyənləşib.

Rekord.az xəbər verir ki, 125 kq çəki dərəcəsində yer alan idmançı bürünc medal uğrunda görüşdə Polşa təmsilçisi Robert Baranla üz-üzə gələcək.

Bürünc medal uğrunda qarşılaşmalar bu gün, Bakı vaxtı ilə saat 20:15-də başlayacaq.

Olimpiada avqustun 11-də başa çatacaq.