Azərbaycan şahmatçısı Xaqan Əhməd Misirdə yeniyetmələr arasında keçirilən dünya birinciliyində bürünc medal qazanıb.

Rekord.az xəbər verir ki, o, 12 yaşlıların mübarizəsində 3-cü yeri tutub.

8 xal toplayan şahmatçı fəxri kürsüyə yüksəlib. Bu yaş kateqoriyasında Vyetnam təmsilçisi Duy Xonq Dao 9,5 xalla qalib adını qazanıb.

12 yaşlılar arasında Paşam Əlizadə 3-5-ci yerləri bölüşdürüb. Əlavə göstəricilərə görə şahmatçı 5-ci olub.

8 yaşlı qızların mübarizəsində Mehriban Əhmədli yarışı 5-ci pillədə başa vurub.