Azərbaycanın qadınlardan ibarət 3x3 basketbol millisi Dünya Qadın Seriyasının Fransada keçirilən “Clermont-Ferrand” mərhələsinə qələbə ilə start verib.

Rekord.az xəbər verir ki, D qrupunda qərarlaşan millimiz ilk görüşündə Filippin yığması ilə qarşılaşıb və rəqibinə 22:17 hesabı ilə qalib gəlib.

Komandamızın qrupda sonuncu oyunu Niderland seçməsinə qarşı olacaq. Görüş Bakı vaxtı ilə saat 21:50-də başlayacaq.