Millətlər Liqasının IV turunda Azərbaycan yığması ilə qarşılaşacaq Kipr millisi matçın keçiriləcəyi Albaniyaya yollanıb.

Rekord.az xəbər verir ki, komanda Tiranaya, oradan isə Elbasana gedib.

Yığmamızın rəqibi səfər öncəsi koronavirus testindən keçib. Kipr Futbol Assosiasiyası bütün heyətin testinin nəticəsinin neqativ çıxdığını açıqlayıb.

Komandalar bu gün oyunöncəsi son məşqini keçəcək. Sabah Elbasanda keçiriləcək Azərbaycan – Kipr matçı Bakı vaxtı ilə 20:00-da başlayacaq.