![photo](https://rekord.az/uploads/5/408210591-1078659543113613-5533520169054290191-n-600x300.jpg)
Azərbaycanlı atletlərdən qran-pridə ilk olaraq İsmayılova yarışdı
- 2023-12-04 18:21
- 240
Qətərin paytaxtı Dohada keçirilən Beynəlxalq Ağırlıqqaldırma Federasiyasının 2-ci qran-pri yarışına start verilib.
Rekord.az xəbər verir ki, Paris 2024 Olimpiya Oyunlarına lisenziya xarakterli turnirdə 70-dən çox ölkədən 382 (176 qadın + 206 kişi) atlet iştirak edir.
Yarışda ağırlıqqaldırma üzrə Azərbaycan yığmasının üzvləri də körpücük üzərinə çıxacaqlar.
Onlardan ilk olaraq Nazilə İsmayılova bu gün mübarizəyə qoşulub. O, 49 kq çəki dərəcəsinin C qrupunda çıxış edib. İdmançımız toplam 143 (65+78) kq nəticə göstərib. İsmayılovanın yekun sıralamadakı yeri B və A qruplarında çıxışlar bitəndən sonra bilinəcək.