Azərbaycan millisinin sabiq hücumçusu Rüfət Dadaşovun çıxış etdiyi “Dinamo” (Berlin) Almaniyanın Şimal-Şərq Regional Liqasında növbəti oyununu keçirib.

Rekord.az xəbər verir ki, paytaxt təmsilçisi çempionatın 12-ci turunda Berlinin digər təmsilçisi “Viktoriya” ilə qarşılaşıb.

“Dinamo”nun meydanında baş tutan matçda qalib müəyyənləşməyib - 3:3. Meydana start heyətində çıxan Dadaşov sonadək oynayıb. Komandasının ilk qolunu da Rüfət vurub. O, 32-ci dəqiqədə fərqlənib.

“Dinamo” hazırda 25 xalla zirvədə qərarlaşıb.