İyulun 9-10-da kişi voleybolçular arasında çimərlik voleybolu üzrə turnir keçiriləcək. Azərbaycan Voleybol Federasiyasından "Rekord.az"a verilən məlumata görə, yarışda kişi voleybolçulardan ibarət milli komandamızın oyunçuları da mübarizə aparacaqlar.

Turnir Hövsan qəsəbəsində yerləşən "Algo Beach" çimərliyində təşkil olunacaq. Sonda qalib gələcək cütlüyə pul mükafatı veriləcək.

Qeyd edək ki, turnirdə iştirak etmək istəyən cütlüklər voleybol federasiyasına müraciət edərək qeydiyyatdan keçə bilərlər. Son qeydiyyat günü 5 iyuldur.