"Ruslan 93" idman kompleksində 10 yaşadək futbolçular arasında VTB bank kubok turnirinin açılış mərasimi keçirilib.

Rekord.az xəbər verir ki, U-10 Liqasında mübarizə aparan 6 komandanın iştirak etdiyi turnir 3 gün davam edəcək.

Tədbirdə ilk olaraq "Baku Sportinq"in rəsmisi, millimizin və "Qarabağ"ın sabiq oyunçusu Vüqar Nadirov çıxış edib.

O, bildirib ki, turnirin məqsədi Azərbaycan futbolunun inkişafına xidmət etməkdir. Turnirdə "Baku Sporting" FK,  "Qəbələ" FK, "Zirə" FK ,"Tekin "FK, "Sumqayıt" FK və "Sabah" FK çıxış edəcək. 3gün davam edəcək turnirin final görüşü və bağlanış mərasimi 6 iyun tarixində keçiriləcək. İlk 3 yer tutan komandalar mükafatlarına qovuşacaq.

Tədbirdə futbolumuzun veteranlarından Ağasəlim Mircavadov, Asim Xudiyev, Fərrux İsmayılov ürək sözlərini bildirib, gənc futbolçulara uğurlar arzulayıblar.

Daha sonra tədbir bədii hissə ilə davam edib.

Turnir "Baku Sportinq"in təşəbbüsü, Gənclər və İdman Nazirliyi və AFFA-nın dəstəyi ilə keçirilir.