Bu gün İspaniya La Liqasında 37-ci turun oyunları keçirilib.

Rekord.az xəbər verir ki, turun bütün qarşılaşmaları eyni vaxtda olub.
 
Lider “Atletiko” doğma meydanda “Osasuna”nı qəbul edib və əzmkar qələbə qazanıb. Turnir cədvəlinin 2-ci sırasında yer alan “Real” səfərdə “Atletik”ə minimal hesabla qalib gəlib.

"Barselona” isə evdə "Selta"nı qəbul edib və gözlənilmədən rəqibinə uduzub.

Bu nəticələrdən sonra lider "Atletiko"nun 83, 2-ci pillədə qərarlaşan "Real"ın isə 81 xalı var. Aktivində 76 xalı olan "Barselona" isə çempionluq şansını itirib.

Mayın 23-də keçiriləcək mövsümün sonuncu - 38-ci turunda "Real" evdə "Vilyarreal"la, "Atletiko" isə səfərdə "Valyadolid"lə qarşılaşacaq. Məhz bu oyunlardan sonra La Liqanın qalibi müəyyənləşəcək. 


16 may

İspaniya La Liqası, 37-ci tur

"Alaves" – "Qranada" - 4:2
Qollar: Pons, 8. Duarte, 21. Xoselu, 66. Rioxa, 72 – Molina, 31. Puertas, 63.

"Atletik" – "Real" - 0:1
Qollar: Naço, 68.

"Atletiko" – "Osasuna" - 2:1
Qollar: Lodi, 82. L.Suares, 88 – Budimir, 76.

"Barselona" – "Selta" - 1:2
Qollar: Messi, 28 – Mina, 38, 89.

"Betis" – "Hueska" - 1:0
Qollar: B.İqlesias, 57-pen.

"Kadis" – "Elçe" - 1:3
Qollar: Mari, 15-pen – Milla, 58. D.Qonsales, 64. Fidel, 88.

"Xetafe" – "Levante" - 2:1
Qollar: Alena, 13. Kubo, 84 – Melero, 30.

"Real Sosyedad" – "Valyadolid" - 4:1
Qollar: İsak, 6; 16. D.Silva, 28. Yanuzay, 35-pen – M.Andre, 82.

"Valensiya" – "Eybar" - 4:1
Qollar: Quedes, 3; 49. Soler, 19; 30 – Xil, 39.

"Vilyarreal" – "Sevilya" - 4:0
Qollar: Bakka, 34; 47; 79. Moreno, 66.