“Barselona” növbəti transferini rəsmiləşdirib.

Rekord.az xəbər verir ki, Kataloniya klubu bu yay “Atletik”dən ayrılan mərkəz müdafiəçisi İnyiqo Martinesi heyətinə qatıb.

32 yaşlı ispan futbolçu ilə 2 illik müqavilə imzalanıb. O, yeni klubuna azad agent kimi keçib.

“Real Sosyedad”ın yetirməsi olan Martines 2018-ci ildən “Atletik”də çıxış edirdi. O, İspaniya yığmasında da 20 oyun keçirib, 1 qol vurub.