“Barselona”nın müdafiəçisi Aleks Valle karyerasını Şotlandiya çempionatında davam etdirəcək.

Rekord.az Kataloniya klubunun mətbuat xidmətinə istinadən xəbər verir ki, ispaniyalı futbolçu mövsümün sonuna qədər icarə əsasında “Seltik”də çıxış edəcək.

Vallenin transferi yekunlaşmazdan əvvəl “Barselona” ilə müqaviləsi 2026-cı ilin ortalarına qədər uzadılıb. Onun transfer dəyəri 2,5 milyon avro qiymətləndirilir.

19 yaşlı futbolçu Kataloniya klubunun yetirməsidir. O, ötən mövsüm “Levante”də icarə əsasında çıxış edib, 2-ci divizionda 29 matçda meydanda olub.