Futbol üzrə Macarıstan milli komandasının baş məşqçisi Marko Rossi koronavirusa yoluxub.

Rekord.az xəbər verir ki, bu barədə yerli federasiyanın rəsmi saytı məlumat yayıb.

Xəbərdə test nəticəsi müsbət olan 56 yaşlı mütəxəssisin komandadan təcrid edildiyi diqqətə çatdırılıb.

Qeyd edək ki, Macarıstan seçməsi Millətlər Liqasında noyabrın 15-də Serbiyanı, 3 gün sonra isə Türkiyəni qəbul edəcək.