“Beşiktaş” “Neftçi” ilə oyun üçün Bakıya yola düşdü – HEYƏT
- 09 Avq 2023 16:46
- 329
Avropa Konfrans Liqasının 3-cü təsnifat mərhələsində “Neftçi” ilə qarşılaşacaq “Beşiktaş”ın Bakıya gətirəcəyi heyət açıqlanıb.
Rekord.az İstanbul klubunun rəsmi saytına istinadən xəbər verir ki, bu gün Azərbaycana yollanan “qara qartallar”ın heyətində 23 oyunçu yer alıb.
Onlardan 3-ü qapıçı, 6-sı müdafiəçi, 10-u yarımmüdafiəçi, 4-ü hücumçudur.
Baş məşqçi Şenol Günəş iştirak ərizəsində yer alan Emir Yaşar, Göktuğ Baytekin, Artur Masuaku, Aytuğ Kömeç, Raşid Gezzal, Berkay Vardar, Emirhan Delibaş, Cenk Tosun, Azad Dəmir və Mustafa Həkimoğlunun İstanbulda qalmasına qərar verib.
Avqustun 10-da “Neftçi Arena”da keçiriləcək “Neftçi” – “Beşiktaş” matçına saat 21:00-da başlayacaq.
Qapıçılar: 1. Ersin Destanoğlu, 34. Mert Günok, 97. Utku Yuvakuran;
Müdafiəçilər: 3. Fransisko Montero, 4. Onur Bulut, 6. Omar Kolli, 12. Daniel Amarti, 24. Valentin Rosye, 77. Umut Meraş;
Yarımmüdafiəçilər: 8. Salih Uçan, 17. Kərəm Kesgin, 19. Amir Haciahmetoviç, 20. Necip Uysal, 21. Dəmir Tıknaz, 23. Kartal Yılmaz, 41. Oğuzhan Akgün, 71. Jan Onana, 83. Jedson Fernandeş, 99. Emrecan Bulut;
Hücumçular: 7. Ante Rebiç, 10. Vensan Abubakar, 40. Cekson Muleka, 90. Semih Kılıçsoy.
