“Beşiktaş”ın gənc futbolçusu Rıdvan Yılmaz İstanbul klubu ilə yeni müqavilə imzalayıb.

Rekord.az xəbər verir ki, bu barədə klubun mətbuat xidməti məlumat yayıb.

19 yaşlı sol cinah müdafiəçisi ilə müddəti 2025-ci ilin sonunda başa çatacaq müqavilə imzalanıb. Əvvəlki müqavilənin müddəti 2023-cü ilə qədər idi.

“Beşiktaş”ın öz yetirməsi olan Rıdvan Yılmaz üç ildir əsas komandaya cəlb olunub. O, indiyə qədər “qara qartallar”ın heyətində 14 rəsmi oyuna çıxıb.