lk araşdırma yazım xarici klublarda legioner həyatı yaşayan gürcü futbolçular haqqında olmuşdur. Araşdırma yazım ilk olmasına baxmayaraq, bəyənilərək bəzi idman saytlarında dərc olundu. 

Bu günlərdə hər kəsi düşündürən - “Millinin başına kim gətiriləcək?” sualıdır. Jurnalistlər hansı futbol adamı ilə rastlaşsa, həmin sualı verirlər. Futbol ictimaiyyətində olan məşqçilər, futbolçular isə cavablarında Rəşad Sadıqov, Samir Abbasov və Tərlan Əhmədovun adlarını çəkirlər. Xub, məndə razıyam, xarici məşqçidənsə yerli məşqçi məqsədə uyğundur. Ancaq yerli məşqçilərimiz ölkə daxilində nisbətən uğurlu olmalarına baxmayaraq, Biləcəridən o tərəfə gedə bilmirlər. Bunun nəticəsidir ki, xaricdə nə səviyyəli legionerimiz var, nədə məşqçimiz. Nə isə başınızı çox ağrıtmayacam. Bu səfər isə futbol üzrə milli komandamızın başsız olduğu ərəfədə xarici klublarda işləyən erməni məşqçilərinin araşdırmasını apardım. Əvvəlcədən qeyd edim ki, bu yazı bəzilərinin xoşuna gəlməyə bilər.  Ancaq təəssüf ki, reallıq belədir. Erməni ən qatı düşmənimiz olsa da reallığı qəbul etməliyik.

 

İlk olaraq Qazaxıstan “Tobol” - na baş məşqçi təyin olunan Grigori Babayandır. Millimizin də formasını geyinən Emil Balayev bu təyinatdan sonra qışda, klubdan ayrılaraq ölkəyə qayıtmağı üstün tutdu. Əvəzində isə Babayan ‟Ararat-Armenia” klubundan öz həmyerlisi Petros Avenisyanı (hücumçu) transfer etdi. İkinci misal olaraq, qışda Qazaxıstan “FK Atrau” - na baş məşqçi təyin olunan Aram Voskanyanı göstərmək olar. Voskanyan da, təyin olunan kimi ‟FK Urartu” klubunda oynayan öz həmyerlisi Artak Daşyanı (yarımmüdafiəçi) klubuna gətirdi. Üçüncü isə Qazaxıstan 1-ci divizionunda ‟FK Akjayık”- da işləyən Artur Avakyandır. Arturun klubu mövsümü 3-cü pillədə bitirərək “play-off” - a vəsiqə qazansa da “Taraz” - a uduzaraq Premyer liqaya çıxa bilməmişdir. Digər xarici klublarda işləyən erməni məşqçilər isə aşağıdakılardır:

Sarkis Oganesyan (baş məşçinin (Yuri Syomin) köməkçisi) -Lokomotiv Moskva (Rusiya)

Arsen Papikyan (baş məşqçi) - Torpeda Armavir (FNL Rusiya 1-ci liqa)

Mkhitar Davidyan (baş məşçinin köməkçisi) - Krasnodar-2 (FNL Rusiya 1-ci liqa)

Eghishe Melikyan (baş məşqçi) - FK Livov (Ukrayna)

Samvel Babayan (baş məşqçi) - Changchun Yatai (Çin 1-ci liqa)

Yuriy Sarkisyan (baş məşqçinin köməkçisi) - Bunyodkor ( Özbəkistan)

Hamlet Mkhitaryan (baş məşqçi) - Parseh Tehran FC (İran 1-ci divizion)

Vladimir Gevorkyan (baş məşqçi) - Podlasie BP (Polşa 3-cü liqa)

 

Cavid MƏMMƏDOV