Beynəlxalq Gimnastika Federasiyasının batut gimnastikası üzrə Texniki Komitəsinin üzvü, iki Olimpiya Oyunlarının iştirakçısı, batut üzrə 6 qat dünya çempionu, 7 qat Avropa çempionu, belaruslu mütəxəssis Dmitri Polyaruş Azərbaycana səfər edəcək.

Rekord.az xəbər verir ki, bu barədə Azərbaycan Gimnastika Federasiyası məlumat yayıb.

Qurum rəsmisi ölkəmizdə keçiriləcək “Milli mütəxəssislər üçün hakimlik və məşqçilik üzrə seminar”da bilik və bacarıqlarını bölüşəcək.

Seminar sentyabrın 16-20-si aralığında keçiriləcək.