Rusiyanın Ufa şəhərində gənc güləşçilərin dünya çempionatı davam edir.

Rekord.az xəbər verir ki, dördüncü yarış günündə 3 qadın güləşçimiz mübarizəyə qoşulub.

Elnurə Məmmədova təsnifat mərhələsində monqolustanlı həmkarına məğlub olub.

Nigar Mirzəzadə ilk görüşdə Macarıstan idmançısına "tuşe" ilə qalib gəlib. Ancaq 1/4 finalda Rumıniya təmsilçisinə uduzub.

Yarışa 1/4 finaldan qoşulan Birgül Soltanova Qırğızıstan güləşçisiylə gərgin keçən görüşdən qalib ayrılaraq adını yarımfinala yazdırıb. Finalın bir addımlığında Hindistan təmsilçisiylə qarşılaşan Birgül 5:0 hesabıyla öndə olsa da, yekunda üstünlüyü əldən verib və ümidini bürünc medala bağlayıb. O, həlledici görüşdə Almaniya güləşçisinə qalib gələrək dünya üçüncüsü olub.

53 kq
Təsnifat: Elnurə Məmmədova - Otqontuya Çinbold (Monqolustan) 2:12

62 kq
1/4 final: Birgül Soltanova - Dilnaz Sazanova (Qırğızıstan) 9:7
1/2 final: Birgül Soltanova - Devi Sancu (Hindistan) 5:8
Bürünc medal görüşü: Birgül Soltanova - Luisa Şeel (Almaniya) 6:2

65 kq
1/8 final: Nigar Mirzəzadə - Noemi Şabados (Macarıstan) 7:5 (tuşe)
1/4 final: Nigar Mirzəzadə - Amina Kapezan (Rumıniya) 1:3