Almaniyanın “Borussiya” (Dortmund) klubu məşqləri bərpa etməyə qərar verib.

Rekord.az xəbər verir ki, bu barədə məlumatı Bundesliqa təmsilçisinin yarımmüdafiəçisi Emre Can verib.

O, “Sport1” nəşrinə açıqlamasında bildirib ki, komandası martın 30-dan etibarən məşqlərə start verəcək. Almaniyalı futbolçu hətta məvaciblərinin azaldılmasına razı olduqlarını da etiraf edib:

“Ən vacibi odur ki, meydana dönürük. Məvaciblərimizin azaldılmasına gəlincə, biz onsuz da çox qazanırıq. Buna görə həmin məbləğin müəyyən hissəsini qaytarmalıyıq”.