"Turan Tovuz"da heç cürə oynamaq şansı qazanmayan Budaq Nəsirov qışdan sonra karyerasını I Liqada davam etdirə bilər.

Rekord.az-a daxil olan məlumata görə, sənəd problemi ucbatından Türkiyə toplanışına da gedə bilməyən Nəsirovun qışdan sonra da oynamaq şansı çox-çox azdır.

Əldə etdiyimiz məlumata görə, baş məşqçi Ayxan Abbasov Budağın yaya kimi hansısa klubda icarədə oynamasını istəyir. Hətta I Liqa komandası olsa belə. Böyük ehtimal bu variant futbolçuya təklif olunacaq. Qərarı isə futbolçu özü verməli olacaq.