"Yuventus"un qapıçısı Canluici Buffon cərimələnib.

Rekord.az "Football İtalia"ya istinadən xəbər verir ki, buna 43yaşlı qolkiperin A seriyasında dekabrın 19-da keçirilən "Parma" ilə matçda (4:0) təhqirdən istifadə etməsi səbəb olub.

Əvvəlcə qapıçının 1 oyunluq diskvalifikasiya edilməsi müzakirə olunsa da, sonda 5 min avro məbləğində cərimələnməsi qərarı verilib.

Qeyd edək ki, daha öncə A seriyasında çıxış edən oyuçulardan Brian Kristante ("Roma") və Manuel Lazzari ("Latsio") təhqirdən istifadə etdikləri üçün cərimələnmişdilər.