"Yuventus"un qapıçısı Canluici Buffon zədəsini sağaldıb.

Rekord.az "Football İtalia"ya istinadən xəbər verir ki, o, komanda ilə ümumi məşqlərdə iştirak edib. 42 yaşlı qolkiperin adı Çempionlar Liqasının qrup mərhələsinin 6-cı turunda "Barselona" ilə oyun üçün iştirak ərizəsinə daxil edilib.

Qeyd edək ki, Buffon zədə səbəbindən komandasının son 4 matçını buraxıb.

Xatırladaq ki, "Barselona" - "Yuventus" görüşü sabah Bakı vaxtı ilə saat 24:00-da başlayacaq.