"Maynts" klubu Yan Zivertin komandanın baş məşqçisi vəzifəsindən göndərildiyini açıqlayıb. 

Rekord.az xəbər verir ki, klub qərarını səfərdə "Ştutqart"a 1:3 hesabı ilə uduzduqdan sonra verib. 

Zivert noyabr ayında əsas komandaya keçmişdi - o, buna qədər "Maynts"ın gənclər komandası ilə çalışıb. 

Onun Bundesliqa təmsilçisinin “sükanı arxasında” keçirilən 12 qarşılaşmada nəticəsi belə olub: 1 qələbə, 6 heç-heçə və 5 məğlubiyyət. 

Hazırda “Maynts” Almaniya çempionatının turnir cədvəlində sondan əvvəlki, 17-ci yerdədir.