"Leypsiq" baş məşqçisi Marko Roze ilə yollarını ayırıb.

Rekord.az xəbər verir ki, bu barədə klubun mətbuat xidməti məlumat yayıb.

Mütəxəssislə yanaşı, onun məşqçilər heyəti - Aleksandr Zikler, Marko Kurt, Frank Heydek və Frenk Eqiq də istefaya göndərilib. 

Bildirilib ki, müvvəqqəti baş məşqçinin adı yaxında açıqlanacaq. 

48 yaşlı Roze 2022-ci ilin sentyabrından "Leypsiq"i çalışdırırdı. Onun rəhbərliyi altında komanda Almaniya kuboku və Superkubokunu qazanıb. Hazırda "Leypsiq" Bundesliqanın 27 turundan sonra 42 xalla 6-cı yerdədir.