"Qarabağ" Avropa Liqasının pley-off mərhələsində ilk oyunda "Braqa"nı məğlub edib. 

Rekord.az xəbər verir ki, inamlı qələbədə (4:2) dubl etməklə pay sahibi olan fransalı yarımmüdafiəçi Abdullah Zubir tarixi oyunla bağlı təəssüratlarını bölüşüb:

"Nəticə yaxşıdır, amma bizim də ambisiyalarımız var. Bura qələbə qazanmaq üçün gəlmişdik. Amma bu, hələ son deyil. Bir həftə sonra Bakıda cavab oyunu var. İnşallah, evdə daha yaxşı oynayacağıq. İnanırıq ki, ikinci görüşdə də sərfəli nəticə qazanıb mərhələ adlayacağıq. Bakıdakı oyun daha çətin olacaq. Onlar cavab görüşünə qələbə qazanmaq üçün gələcəklər. Diqqətli olmalı, qələbə qazanmalı və 2 topluq üstünlüyümüzdən yararlanmağa çalışmalıyıq. 
Oyun indi başa çatıb. Bu görüşü təhlil etməli, Bakıdakı oyuna hərtərəfli hazırlaşmalıyıq. Ehtiyatlı olmalıyıq. Böyük turnirdə böyük komandaya qarşı oynayacağıq. İki qol vurduğuma görə xoşbəxtəm. Amma əsas komandanın nəticəsidir".