“Neftçi” bu gün Azərbaycan kubokunun yarımfinalında “Sabah”ı qəbul edib.

Rekord.az xəbər verir ki, 1:2 hesabı ilə məğlub olan “ağ-qaralar”ın baş məşqçisi Samir Abasovun oyundan sonra mətbuat konfransı keçirilib. Abasov finala yüksələ biləcəklərinə inandığını bildirib:

“Finala yüksələcəyimizə inanıram. Əlbəttə, yüz faiz inamımız var. Necəki bu gün oyunda fikrimiz nə idi, onları yerinə yetirə bildilər, ya yox.. Bu, ayrı mövzudur. Əlbəttə, cavab oyununa qələbə üçün gedəcəyik.

Heyətin yetərli olub-olmaması başqa mövzudur. İndi durub bunu xırdalasam, doğrudan da şişəcək. Bu gün “Nefçi”dəki problemləri bilirik və düşünmürəm ki, çempionatda qalan son 8 turda bu düzələcək. Ən azından çempionatın axırına qədər gözləməliyik.

Bu gün oyundan narazı qalmadım. İlk hissədə bəzi epizodlarımız var idi. Yaxşı şanslarımız da oldu. Keyfiyyət baxımından durub danışsaq, doğrudan da, bu mövzu çox şişəcək. Uzağa getməyək, bu gün bizim müdafiə bərbad vəziyyətdədir. Bunu nə ilə sığortalaya bilərik? Bunların üzərində işləyirik. Müdafiədə buraxılan səhvlər qol vurmaqla kompensasiya edə bilərik. Dərd orasındadır ki, onu da bacarmırıq”.