Ötən gün futbol üzrə İtaliya çempionatına start verilib.

Rekord.az xəbər verir ki, "CBC Sport"da izləməyə öyrəşdiyimiz A seriyasının ilk turunun heç bir oyunu kanalda yayınlanmayıb. Bunun səbəbini öyrənmək üçün "CBC Sport"un "Xəbərlər Xidməti"nin direktoru Şəmsəddin Abbasovla əlaqə saxladıq. Kanal rəsmisi "Football-plus.az" saytına açıqlamasında bunları dedi:
 

"İtaliya çempionatının yayınlanması ilə bağlı heç bir problem yoxdu. Tamaşaçılar A seriyasının qarşılaşmalarını növbəti turdan etibarən "CBC Sport"da canlı izləyə biləcəklər. Bizim üçün əsas pioritet Azərbaycan premyer-liqasının oyunlarıdı. Bizim çempionatın qarşılaşmaları ilə A Seriyasının matçları üst-üstə düşürdü. Biz də öz liqamızın matçlarını yayınlamalı idik. Bunu da etdik. Daha sonra dünən "Barselona"nın, bu gün isə "Real"ın oyunlarını axşam saatlarında tamaşaçılara təqdim etməyi məsləhət bildik. Qısaca onu deyə bilərəm ki, narahatlığa əsas yoxdu. Gələn turdan etibarən oyunları kanalımızda izləyə biləcəksiz".