UEFA Çempionlar Liqasının 1/16 final mərhələsinin ilk oyunlarından sonra həftənin ən yaxşı futbolçusu açıqlanıb.

Rekord.az xəbər verir ki, bu ada Fransanın PSJ klubunun ulduz futbolçusu Kilian Mbappe layiq görülüb.

23 yaşlı hücumçu İspaniyada "Barselona"ya 4:1 hesabı ilə qalib gəldikləri görüşdə het-trik edib.

Qeyd edək ki, Çempionlar Liqasında həftənin ən yaxşı futbolçusu adına “Liverpul”dan (İngiltərə) Məhəmməd Salah, “Borussiya”dan (Dortmund, Almaniya) Erlinq Haland və “Portu”dan (Portuqaliya) Serjio Oliveyra da namizəd idi.