"Qarabağ"ın UEFA Çempionlar Liqasının pley-off mərhələsindəki potensial rəqibi ilə oyunlarının vaxtı bəlli olub.

Rekord.az xəbər verir ki, Azərbaycan çempionu 3-cü təsnifat mərhələsində Bolqarıstan təmsilçisi "Ludoqorets"i mübarizədən kənarlaşdırsa, üz-üzə gələcəyi “Dinamo” (Zaqreb, Xorvatiya) ilə ilk matçını avqustun 20-də səfərdə keçirəcək.

Qarşılaşma Bakı vaxtı ilə saat 23:00-da start götürəcək.

Cavab görüşü isə 8 gün sonra - avqustun 28-də baş tutacaq.