Xəbər verdiyimiz kimi, sabah Konfrans Liqasının II təsnifat mərhələsinin cavab matçı çərçivəsində "Sumqayıt" doğma meydançada Serbiyanın "Çukariçki" komandasını qəbul edəcək. Bu gün isə ənənəyə uyğun olaraq, hər iki komandanın baş məşqçilərinin oyun öncəsi mətbuat konfransı olmalı idi.

Rekord.az xəbər verir ki, qaydalara görə mətbuat konfransları matçların keçirildiyi şəhərlərdə keçirildiyi halda, serblər Sumqayıta getməkdən imtina edib.

Serbiya təmsilçisi Bakıdan Sumqayıta getməyi artıq əziyyət hesab etdikləri üçün "Çukariçki"nin baş məşqçisi mətbuat konfransını elə Bakıda keçirməyi məqsədəuyğun hesab edib.