Azərbaycan milli komandasının üzvü Rüfət Dadaşovun şərəfini qoruduğu “Finiks Rayzinq” klubu ABŞ-ın birinci liqasında növbəti oyununu keçirib.

Rekord.az xəbər verir ki, Dadaşovun çıxış etdiyi komanda doğma meydanda “Oranj Kaunti” ilə qarşılaşıb.

“Finiks Rayzinq”in 1:0 hesabı ilə qalib gəldiyi oyunda yeganə qolu Rüfət vurub. O, 90 dəqiqə meydanda olub.

Bununla da, Dadaşov vurduğu qolların sayını 11-ə çatdırıb. 29 xal toplayan “Finiks Rayzinq” B qrupunun lideridir.