“Araz-Naxçıvan”ın baş məşqçisi Elmar Baxşıyev Azərbaycan Premyer Liqasının 18-ci turu çərçivəsində “Qarabağ” qarşı keçirdikləri oyun haqda danışıb.

Rekord.az xəbər verir ki, o, 0:2 hesablı məğlubiyyəti belə şərh edib:

“Dinamika baxımdan oyun yaxşı alındı. Hər iki komanda hərəkətli idi. “Qarabağ”a qarşı ən yaxşı oyun idi. Məğlub olduq, amma komanda olaraq yaxşı iş gördük. Qışdan sonra daha yaxşı çıxış edib, liqada yerimizi qorumağa çalışacağıq. Hakimlərin fikri başqa, mənim fikrim başqa yozulur. Bu, futbolda olan prosesdir. Bununla barışmaq lazımdır. Sayılmayan qola gəlincə, epizod qola oxşayırdı. Ancaq onlar qərar verirlər və bu qərara hörmətlə yanaşıram. Bu komandanı mən yığmışam. Komandanı yığarkən futbolçularımın əzminə hakim idim. Daha yaxşı, daha kreativ ola bilərik. Qış fasiləsində ölkə daxilində qalacağıq. Fasilədə istədiyim kimi oyunçu olarsa, yeni futbolçu transferi ola bilər”.