Futbol üzrə Danimarka yığması AÇ-2020-nin 1/8 finalında Uels millisini 4:0 hesabıyla məğlub edərək 1/4 finala yüksəldi.

Rekord.az xəbər verir ki, bu qarşılaşma danimarkalılar üçün əlamətdar olub.

Belə ki, sözügedən kollektiv Avropa çempionatları tarixinə ardıcıl iki oyunda 4 qol vurmağı bacaran ilk komanda kimi düşüb.

Xatırladaq ki, Danimarka yığması bundan əvvəlki oyunda da Rusiya yığmasını 4:1 hesabıyla məğlub etmişdi. Qrup mərhələsinə Finlandiya ilə oyundakı 0:1 hesablı məğlubiyyətlə start verən bu komanda, ikinci matçında da Belçikaya 1:2 hesabıyla uduzmuşdu.