UEFA DÇ-2022-nin seçmə oyunlarında VAR sistemindən istifadə etməməsinin səbəbini açıqlayıb.

Avropa zonasının ilk iki turunda ciddi hakim səhvləri baş verib.

Portuqaliya ilə Serbiya arasındakı görüşdə Kriştiano Ronaldonun təmiz qolu qeydə alınmayıb . Fransa - Ukrayna görüşündə (1:1) isə meydan sahibləri ofsayddan qol vurub.

Rekord.az xəbər verir ki, UEFA nümayəndəsi “Associated Press”ə bildirib ki, 2019-cu ildə təmsil etdiyi qurum seçmə matçlarda VAR-ın tətbiqi üçün FİFA-ya təklif irəli sürüb:

“Amma pandemiya səbəbindən texniki və loqostik əməliyyatları nəzərə alaraq bu planını təxirə saldı. VAR-dan həmçinin 2020-ci ilin payızında Millətlər Liqasının oyunlarında da istifadə edilmədi” .