İspaniyanın “Betis” klubunun üç futbolçusunda koronavirus aşkarlanıb.

Rekord.az xəbər verir ki, bu barədə La Liqa təmsilçisinin rəsmi saytı məlumat yayıb.

Xəbərdə Xoakin, Andres Quardado və Martin Montoyyanın COVİD-19 testinin pozitiv çıxdığı diqqətə çatdırılıb. Onlar özlərini yaxşı hiss etsələr də, karantinə alınıblar.

Qeyd edək ki, “Betis” bu gün La Liqanın 17-ci turu çərçivəsində “Sevilya” ilə qarşılaşacaq.