Di Mariadan uğurlu göstərici
- 09 Apr 2021 13:45
- 588
PSJ-nin futbolçusu Anhel Di Mariya komandada qol ötürməsinin sayını 100-ə çatdırıb.
Rekord.az xəbər verir ki, argentinalı yarımmüdafiəçinin bu göstəricidə yubileyi Çempionlar Liqasının 1/4 finalında "Bavariya" ilə keçirilən oyunda (3:2) qeydə alınıb.
O, Kilian Mbappenin vurduğu qolda pay sahibi olub.
Argentina millisinin üzvü hazırda qol ötürmələrinin sayına görə yalnız klubun əfsanəvi futbolçularından olmuş Safet Suşiçdən (103) geri qalır.
2015-ci ildən Paris klubunda çıxış edən Di Mariya 100 ötürmədən 64-nü Liqa 1-də, 16-nı Çempionlar Liqasında, 11-ni Fransa Liqa kubokunda, 8-ni Fransa kubokunda, 1-ni isə Fransa Superkubokunda verib. Paytaxt klubunda 166 oyun keçirən 33 yaşlı futbolçu 51 qol vurub.