"Neftçi"nin futbolçusu Eddi İsrafilovla bağlı maraqlı məlumat əldə etmişik.

Rekord.az-a daxil olan məlumata görə, futbolçu yayda "Neftçi"dən ayrılmaq istəyir.

31 yaşlı futbolçu doğulduğu İspaniyaya geri dönməyi düşünür. Hətta aldığımız bir başqa məlumata görə, o, 2024-cü ildə Azərbaycan millisindəki çıxışlarını da başa vurmaq haqda düşünür. Amma bu haqda qəti qərarı yayda İspaniyaya istirahətə dönəndən sonra ailəsi ilə məsləhətləşib verəcək.