Beynəlxalq dərəcəli hakim-inspektor Elçin Səmədli iki oyuna təyinat alıb.

Rekord.az xəbər verir ki, o, futzal üzrə AÇ-2022-nin ilkin seçmə mərhələsi çərçivəsində keçiriləcək Belarus – İsrail və Sloveniya – Latviya  oyunlarının hakim-inspektoru olacaq.

Bu barədə AFFA-nın rəsmi saytı məlumat yayıb. Belarus - İsrail matçı aprelin 6-da keçiriləcək. Sloveniya - Latviya görüşü isə ayın 12-də təşkil olunacaq.