Futbol üzrə Latviya kubokunda 1/16 final mərhələsinin oyunları keçirilib.

Rekord.az xəbər verir ki, Azərbaycan yığmasının sabiq hücumçusu Vüqar Əsgərovun formasını geyindiyi “Super Nova” da bu turnirdə növbəti matçını keçirib.

Sözügedən komanda “Auda” ilə qarşılaşıb. 1:5 hesablı məğlubiyyətlə üzləşən “Super Nova” mübarizəni dayandırıb.

Vüqar bu görüşün iştirakçısı olmayıb. Onun adı qarşılaşmanın iştirak ərizəsinə də daxil edilməyib.