Bu həftə Azərbaycan kubokunda 1/4 final mərhələsi start götürəcək. 

Rekord.az xəbər verir ki, ilk oyunlar dekabrın 15-16-da, cavab görüşləri 19-20-də keçiriləcək. 

Bu mərhələdə üz-üzə gələcək cütlərin əvvəlki mövsümlərdəki kubok qarşılaşmalarının balansını təqdim edirik. 

Maraqlıdı ki, bir il əvvəl də 1/4 finalda eyni cütlər üz-üzə gəlib.

Azərbaycan kuboku

1/4 final, ilk oyunlar

15 dekabr (bazar)

“Qəbələ” – “Sabah” – 2 oyun, +2=0-0, top fərqi 2-0
 

“Qəbələ” hər iki oyunda eyni hesabla qələbə qazanıb. Paytaxt təmsilçisi bu matçlarda qol vura bilməyib.

“Səbail” – “Zirə” – 2 oyun, +0=0-2, top fərqi 2-4
 

“Zirə” hər iki görüşdə minimal hesabla qələbə əldə edib. “Səbail”in ev matçında hər iki komanda qol vurub.
 

16 dekabr (bazar ertəsi)

“Neftçi” – “Sumqayıt” – 2 oyun, +1=0-1, top fərqi 1-2
 

Hər iki komanda səfərdə qalib gəlib. Evdə oynayan tərəf qol vurmayıb.
 

“Qarabağ” – “Keşlə” – 9 oyun, +5=2-2, top fərqi 11-6
 

Komandaların yolları 5 dəfə kəsişib. 3 dəfə “Qarabağ”, 2 dəfə “Keşlə” duelin qalibi olub. Son 5 görüşdə bakılılar qələbə qazanmayıb.
​