“Fənərbaxça" "Union Berlin"in futbolçusu Leonardo Bonuççini transfer etdiyini açıqlayıb.

Rekord.az xəbər verir ki, bu barədə klubun saytı məlumat yayıb. 

Super Liqa təmsilçisi 36 yaşlı müdafiəçinin bu gün tibbi müayinədən keçmək üçün İstanbula gələcəyini bildirib. O, Bakı vaxtı ilə 20:00 radələrində İstanbulda olacaq.

Bonuççi 2023-cü ilin yayında azad agent kimi “Union Berlin”ə keçib. O, Bundesliqa təmsilçisinin heyətində 10 matçda meydana çıxıb və 1 qol vurub.