"Fənərbaxça" "Əl-Nəsr"dən transfer olunan Anderson Taliska ilə müqavilə imzalayıb. 

Rekord.az xəbər verir ki, bu barədə İstanbul klubunun mətbuat xidməti məlumat yayıb.

30 yaşlı hücumçu ilə imzalanan sözləşmənin müddəti 1,5 ildir. 

Taliska 2021-ci ilin yayından "Əl-Nəsr"də çıxış edirdi. Braziliyalı futbolçu bu mövsüm Səudiyyə Ərəbistanı təmsilçisinin heyətində meydana çıxdığı 19 rəsmi matçda 8 qol vurub. O, daha əvvəl Türkiyədə "Beşiktaş"ın da formasını geyinib.