Türkiyənin “Fənərbaxça” komandasının yeni baş məşqçisi bəlli olub.

Rekord.az xəbər verir ki, İstanbul təmsilçisini bundan sonra Vitor Pereyra çalışdıracaq.

Bu barədə klubun rəsmi saytı məlumat yayıb. Portuqaliyalı mütəxəssislə imzalanan müqavilənin detalları açıqlanmayıb.

Xatırladaq ki, "Fənərbaxça"da bu ilin mart ayında baş məşqçi Erol Bulut istefaya göndəriləndən sonra komanda Emre Belözoğluna tapşırılmışdı. Belözoğlu ilə də ötən ayın əvvəlində yollar ayrılmışdı.

Qeyd edək ki, Pereyra 2015/16 mövsümündə də İstanbul təmsilçisini çalışdırıb. Onun son klubu Çin Super Liqasında mübarizə aparan “Şanxay Port” olub.