Fransanın “Olimpik” (Marsel) klubunun yeni baş məşqçisinin adına rəsmən aydınlıq gəlib.

Rekord.az xəbər verir ki, sözügedən komandanı bundan sonra Xorxe Sampaoli çalışdıracaq.

Bu barədə Liqa 1 klubunun rəsmi saytı məlumat yayıb. 60 yaşlı mütəxəssislə müddəti 2023-cü ilin yayına qədər olan müqavilə bağlanılıb.

Sampaoli son olaraq Braziliyanın “Atletiko Mineyro” klubunu çalışdırıb. Argentinalı mütəxəssis Fransa klubunda bir müddət əvvəl istefa vermiş Andre Villaş-Boaşı əvəz edib.

“Olimpik” Fransa çempionatının cari mövsümündə 25 oyuna topladığı 38 xalla 8-ci pillədə qərarlaşıb.