Futbolda ofsayd qaydası dəyişdirilə bilər.

Rekord.az xəbər verir ki, bu barədə Beynəlxalq Futbol Assosiasiyaları Şurası məlumat yayıb.

Yeniliyə əsasən, hücum edən komandanın oyunçusu ötürmə anında bütün bədəni ilə rəqib müdafiəçini qabaqladığı təqdirdə oyundankənar vəziyyət hesab olunacaq.

Ancaq hazırkı qaydalar 2025-ci ilin fevralına qədər dəyişdirilə bilməz. İFAB həmin vaxta qədər yeni qaydaları sınaqdan keçirəcək. Yeni qaydalar effektli olsa, onların futbola tətbiqi məsələsi 2025-ci ilin fevralında keçiriləcək İFAB-ın növbəti assambleyasında müzakirə ediləcək.